சங்ககிரி: சேலம் மாவட்டம், சங்ககிரியில் உள்ள அருள்மிகு ஸ்ரீவஸந்தவல்லி உடனமர் ஸ்ரீவஸந்தவல்லபராஜ பெருமாள் கோயிலில் தீபாவளி பண்டிகையையொட்டி சுவாமிகளுக்கு புத்தாடைகள் அணிவித்து சிறப்பு பூஜைகள் சனிக்கிழமை நடைபெற்றன.
தீபாவளி பண்டிகையையொட்டி சங்ககிரி வி.என்.பாளையத்தில் உள்ள அருள்மிகு ஸ்ரீ வஸந்தவல்லி உடனமர் ஸ்ரீ வஸந்தவல்லபராஜ பெருமாள், அருள்மிகு தபால் ஆஞ்சநேயர் சுவாமிகளுக்கு சனிக்கிழமை அதிகாலை எண்ணெண்ணை காப்பு வைத்து பால், தயிர், சந்தனம், திருமஞ்சனம், பன்னீர், இளநீர் உள்ளிட்ட பல்வேறு திவ்யபொருள்களைக்கொண்டு சிறப்பு அபிஷேகங்கள் செய்யப்பட்டு மூலவர் சுவாமிகளுக்கு புத்தாடைகள் அணிவித்து அலங்காரம் செய்யப்பட்டு பூஜைகள் நடைபெற்றன.
மேலும் சங்ககிரி மலையில் உள்ள அருள்மிகு சென்னகேவசப் பெருமாள், ஸ்ரீ வரதராஜப் பெருமாள் சுவாமிகளுக்கும் புத்தாடைகள் அணிவித்து பூஜைகள் நடைபெற்றன. வி.என்.பாளையம் அருள்மிகு ஸ்ரீ வஸந்தவல்லபராஜ பெருமாள் கோயில் வளாகத்தில் உள்ள அருள்மிகு சென்னகேசவப் பெருமாள் உடனமர் ஸ்ரீதேவி, ஸ்ரீபூதேவி, ஸ்ரீவஸந்தவல்லி உடனமர் ஸ்ரீதேவி, ஸ்ரீ பூதேவி, ஆஞ்சநேயர், ஸ்ரீசக்கரம் உள்ளிட்ட பல்வேறு சுவாமிகளின் உற்சவமூர்த்திகளுக்கும் சிறப்பு அபிஷேகங்கள் செய்யப்பட்டு புத்தாடைகள் அணிவிக்கப்பட்டு பூஜைகள் நடைபெற்றன.
சுவாமிகளை அதிகாலை முதலே பக்தர்கள் குடும்பத்துடன் வணங்கிச் சென்றனர்.
