சிவன் கோயில்களில் பக்தர்கள் நந்தியின் காதில் பிரார்த்தனை செய்வதை நீங்கள் பார்த்திருக்க கூடும். நாம் நந்தியிடம் பிரார்த்தனை செய்தால், நந்தி பகவான் நேரடியாக சிவனிடம் சென்று நம் பிரார்த்தனைகளை நிறைவேற்றும், எனவே இதைச் சொய்யலாமா?
நந்தி பகவானிடம் பிரார்த்தனைகளை அவரது காதில் சொல்லலாமா? கோயில்களில் நிறுவப்பட்ட சிலைகளைத் தொடுவது முற்றிலும் தவறு.
பூசாரியைத் தவிர வேறு யாரும் அஷ்டபந்தனம் சாற்றப்பட்டுள்ள சிலைகளைத் தொடக்கூடாது. சிவன் கோயிலுக்குள் நுழைவதற்கு முன், ஒருவர் நந்தியின் பின்னால் நின்று கொம்புகளின் இடை வழியாக இறைவனை தரிசனம் செய்ய வேண்டும்.
அதன் பிறகு, ஒருவர் நந்தியின் முன் பக்கத்தில் நின்று நந்தியிடம் உள்ளே நுழைய அனுமதி கேட்க வேண்டும்.
எந்த காரணத்திற்காகவும் இறைவனுக்கும் நந்திக்கும் இடையில் இறைவனை மறைக்கும் வகையில் நிற்கக்கூடாது. உங்கள் கோரிக்கைகள் மற்றும் பிரார்த்தனைகளுடன் நீங்கள் நேரடியாக இறைவனிடம் முறையிடலாம்.
மறுபுறம், இறைவனை நோக்கி தியானத்தில் அமர்ந்திருக்கும் நந்தியைத் தொந்தரவு செய்வதும், நம் எச்சில் படும் விதமாகக் பிரார்த்தனைகளைச் சொல்வதும் முற்றிலும் தவறானது.
பிரதோஷ காலத்தில், நந்தியின் தலையில் இறைவனின் தெய்வீக உருவம் தெரியும், எனவே அந்த நேரத்தில் சிறப்பு அபிஷேக வழிபாட்டைச் செய்கிறோம்.
சிவ பக்தர்களின் தலைவரான நந்திக்கு அந்த நேரத்தில் செய்யப்படும் வழிபாடு, இறைவனுக்கே செய்யப்படும் வழிபாடு என்பதால் சிறப்பு முக்கியத்துவம் பெறுகிறது. அதைத் தவறாகப் புரிந்துகொண்டு நந்தியின் காதுகளில் கோரிக்கைகளை சொல்வது வீண் செயல்.
மாலை 4.30 மணி முதல் மாலை 6 மணி வரையிலான நேரம் பிரதோஷ காலம் என்று அழைக்கப்படுகிறது. இது “நித்ய பிரதோஷம்” என்று அழைக்கப்படுகிறது. திரயோதசி திதில் தேய்பிறை அல்லது வளர்பிறையில் மாலையில் அனைவரும் விரதம் இருப்பார்கள். பிரதோஷத்தின் போது, நந்தியின் கொம்புகளுக்கு இடையில் சிவன் நடனமாடுகிறார் என்று நம்பப்படுகிறது.
எனவே, நந்தியின் கொம்புகளுக்கு இடையில் சிவபெருமானை உங்கள் மனக்கண்ணால் பார்ப்பது சிறப்பு.
பிரார்த்தனைகளையும் ரகசியங்களையும் நந்தியின் காதில் சொல்லலாமா? Aanmeega Bhairav
